ILOILO CITY – Isa ang Plazuela de Iloilo sa mga nakaganyat sang atensyon sa mga interesado nga mag-invest sa siyudad sang Iloilo.
Suno kay Florence Hibionada, ang head secretariat sang Iloilo trade mission nga nagpadulong sa New York, madamo sila sang nabaton nga mga request kag pamangkot angot sa Plazuela de Iloilo, matapos makita sa ila ginpanagtag nga coffee table book.
May mga nagahingyo man suno kay Hibionada sang laragway sang Plazuela de Iloilo kag nagapamangkot kun ano kadaku ang lugar.
Isa sa mga nakakuha sang interes sang mga investors amo ang Spanish-Italian design sang pasilidad.
Ang Plazuela de Iloilo ang gintukod sang Florete Land Inc. nga sister company sang Bombo Radyo Philippines sa idalom sang Florete Group of Companies.