ILOILO CITY- Magapadulong sa Syudad sang Iloilo si Police Director General Oscar Albayalde subong nga adlaw.
Ini agud pangunahan bilang guest of honor kag speaker ang selebrasyon sang 118th Police Aniversary sa Police Regional Office 6 sa Camp Martin Delgado, Fort San Pedro, Iloilo City.
Magluwas sa paghatag sang mensahe, pangunahan man sang opisyal ang paghatag sang pagkilala sa mga Best Police Officers kag Best Police Offices, subong man sa mga stakeholders nga nagasuporta sa mga programa sang Police Regional Office 6.
Nahibaluan nga ini ang una nga kahigayunan nga magapanguna si Police General Albayalde sa Police Service Anniversary sang PRO-6 humalin sang nagpungko ini bilang PNP Chief.
