ILOILO – Pangunahan ni Philippine National Police Chief Police General Archie Gamboa ang paghatag sang Posthumous Award kay Police Captain Efren Espanto Jr., pinuno sang reconnaisance company sang Regional Mobile Force Batallion.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga subong nga hapon, igahaya sa Kampo Delgado ang bangkay ni Espanto nga napatay sa engkwentro sa Zone 7, Brgy. Aglobong, Janiuay, Iloilo.
Suno kay Malong, natapos naman ang autopsy examination apang ang resulta ang pagalawagon sang tingob buwas kadungan sang paghatag sang pagkilala sa killed in action nga pulis.
Ginpahayag ni Malong nga sa Dominggo, pagadal-on na sa La Carlota City, Negros Occidental ang bangkay ni Espanto.
