ILOILO CITY – Ginpangunahan ni Philippine National Police Chief General Rodolfo Azurin Jr. ang Lakad Laban sa Droga nga ginhiwat sa Iloilo Esplanade.
Kaupod ni Azurin amo ang mga miyembro sang Police Regional Office 6, KASIMBAYANAN volunteers kag Kabataan Kontra Droga and Terrorismo.
Sa interview sang Bombo Radyo Chief General Azurin, iya ginpahayag nga ini nga aktibidad ang may tinutuyo nga paduyunon sang mga pamatan-on ang away batok sa droga.
Suno sa natungdan, nangin madinalag-on ang programa sang gobyerno agud matapna ang paggamit sang droga umpisa sa pagdakop sang mga bigtime pushers, tubtub sa pag-raid sa mga illegal drug laboratories kag amo man ang rehabilitation kag wellness program sang Department of Health kag Department of Social Welfare and Development.
Nahibaluan nga “War on drugs,” ukon “Oplan tokhang” ang nag-umpisa sa administrasyon ni former President Rodrigo Roa Duterte sang 2016.
