ILOILO CITY- Nagpasa na sang iya courtesy resignation si Philippine National Police (PNP) Chief Gen. Rodolfo Azurin Jr.
Ini bilang pagtuman sa panawagan ni Interior Secretary Benhur Abalos sa mga generals kag colonels nga magpasa sang courtesy resignations kag maghatag ligwa para sa “cleansing” sa hanay sang kapulisan.
Ang amo nga sulat ni Azurin ang naka-address kay President Ferdinand Marcos Jr.
Sa amo nga sulat, ginsiling ni Azurin nga bukas siya para magpaidalom sa evaluation kag assessment sang committee nga gintukod ni Marcos agud madeterminar kun may kahilabtanan ini sa narcotics trade ukon gintolerar sini ang mga pulis nga nagahimo sang iligal.
Matandaan nga ginpahayag ni Abalos nga kapin 300 ka mga colonels kag generals ang nadiskubrehan nga involved sa illegal drug trade.
