ILOILO – Ginaduso ni Philippine National Police Chief Director Gen. Camilo Cascolan ang pagpahanugot sang bulang apang may limitasyon lamang.
Ini ang ginpahayag ni Cascolan kadungan sang iya nga pagbisita sa probinsya sang Iloilo.
Sa interview sang Bombo Radyo kay Cascolan, iya ginpahayag nga ginhingyo na niya kay Department of the Interior and Local Government Sec. Eduardo Ano ang tuhoy diri.
Suno kay Cascolan, limitahan lang sa 30% ang mahimo nga makalantaw sa sulod sang bulangan.
Ang nasambit nga hingyo sang PNP Chief ang subject for approval pa sang National Inter-Agency Task Force.
