Nagmandu si Philippine National Police (PNP) Chief Gen. Guillermo Eleazar sang pagtukod sang technical working group nga magreview sang body worn camera guidelines nga ginhimo sang Supreme Court kag i-angot ini sa naga-eksister nga police rules.
Sa statement, ginpahayag ni Eleazar ang iya pagpasalamat sa korte suprema sa pagsuporta sa ila para sa legalidad.
Pinaagi sini, mas mapabakod pa sang PNP ang human rights-base approach sa pagpatigayon sang mga operasyon.
Suno kay Eleazar, ginasiguro nila nga ang ginbalay nga mga pagsulundan sang supreme court ang isa sa mangin instrumento agud mangin normal ang konsepto sang transparency kag accountability sa paminsaron kag sa hinimuan sang tagsa ka myembro sang kapulisan.
Una na nga ginpahayag ni Eleazar nga ang paggamit sang body cameras ang makabulig sa pulis kag mangin sa publiko.
Sa 16-paged resolution sang korte suprema nga napetsahan Hunyo 29, nasaad nga ang isa ka law enforcement personnel ang dapat nga may body-worn camera kag alternatibo nga recording device kun i-implementar ang arrest warrants.
