Pabor si Philippine National Police (PNP) chief General Guillermo Eleazar sa panugyan ni Presidente Rodrigo Duterte nga paarmasan ang anti-crime volunteers.
Una nga ginpahayag ni Duterte ini nga ideya sang gin-launch sang PNP ang Global Coalition of Lingkod Bayan Advocacy Support Groups and Force Multipliers sa Camp Crame sang Byernes.
Suno kay Eleazar, para sa proteksyon ang armas ilabi na bangud delikado ang trabaho sang pulis kag anti-crime volunteers bangud lakip sa posible atubangon amo ang rebelde nga grupo.
“Batid ng ating Pangulo at kami mismo sa PNP ang panganib na kakaharapin ng aming volunteers for standing up against criminal elements that include members of the CPP-NPA-NDF and the suggestion made was aimed at ensuring their own protection — but with an assurance that they will undergo the rules and procedures for civilians to possess and carry firearms,” pahayag ni Eleazar.
Suno sa PNP chief, required ang anti-crime volunteers nga magkuha sang License to Own and Possess Firearms (LTOPF), ang requirement sa mga sibilyan antes sila makabakal sang armas.
Magluwas diri, kinahanglan man ang firearms licenses kag Permits to Carry Firearms Outside Residence (PTCFORs).
“The proposal to arm them is purely for their own protection, to defend themselves and the PNP itself will not allow each and every one of them to engage in the actual fighting of criminal elements,” dugang pa ni Eleazar.
