Apisar wala nalawagan sa expose ni Senator Manny Pacquiao, nagpagwa man sang statement ang Philippine National Police (PNP) agud ipanginwala ang mga alegasyon sang kurapsyon sa bug-os nga hanay sang kapulisan ilabi na sa procurement sang body cameras.
Suno kay PNP chief Gen. Guillermo Eleazar, naglupok kag nagcirculate ini nga alegasyon sa social media.
Hunyo 4 sang gin-launch sang PNP ang paggamit sang body cameras agud malikawan ang kaso sang police abuse sa mga operasyon.
Suno sa PNP chief, fully-accounted sa Senado kag Kamara ang kwarta nga gingamit sa pagprocure sang mga camera.
Nagapakig-angot subong ang PNP sa opisina ni Senator Pacquiao agud ma-verify kun na-mensyonar ang PNP sa ginaalegar listahan sang kurap nga ahensya sa gobyerno.
