𝗗𝗔𝗩𝗔𝗢 𝗖𝗜𝗧𝗬 — Nagpaguwa ang Philippine National Police’s Criminal Investigation and Detection Group (PNP-CIDG) subong nga adlaw sang arrest warrant batok kay Kingdom of Jesus Christ (KOJC) leader Pastor Apollo Quiboloy sa Davao City.
Ginpahanugutan naman sang legal counsel ni Quiboloy ang apat ka teams sang otoridad nga ginalakipan sang anom ka mga personnel nga makasulod sa KOJC Dome sa Buhangin District, samtang ang kapulisan ang naka-standby.
Indi naman nangin mahapos sa bahin sang kapulisan ang pagserbe sang arrest warrant kay Quiboloy bangud man sa mga supporters sini nga nagabantay sa sagwa sang compound.
Gin-athag man sang PNP-CIDG nga ang tikang ang isa ka paagi agud nga mapahadlok kag mapilitan nga mag-surrender si Quiboloy nga nagapangatubang sang mga kaso nga paglapas sa Section 5(b) sang Republic Act 7610 ukon Special Protection of Children Against Abuse, Exploitation, and Discrimination Act kag sang Section 10(a) sang kapareho nga layi.
Nahibaluan nga ang mga kaso ang napasaka sa Davao, apang ginpahanagutan sang Supreme Court nga ma-transfer sa Quezon City court agud malikawan nga maintrahan ang dalagan sang hustisya.
Nagapangatubang man si Quiboloy sang non-bailable Qualified Human Trafficking charge sa idalum sang Section 4(a) sang Republic Act No. 9208, nga na-amyendaran sa Pasig court nga gilayon man nga ginpanginwala sang pastor ang mga akusasasyon.
Ginpaathag man ni Senate President Francis “Chiz” Escudero nga ang implementasyon sang arrest warrants nga ginpaguwa sang korte ang i-prioritize santo sa mandu sang senado.
