ILOILO CITY – Ginakabig sang alegasyon sang Police Regional Office (PRO) 6 ang ginapahayag pagwa sang mga pulis nga gin-restrict matapos ginreklamo nga nagmaoy kag wala gilayon nagbayad sang bill sa isa ka disco bar and restaurant sa JM Basa St. Iloilo City Proper.
Sa interview sang Bombo Radyo kay Police Lt. Col. Manna Muarip, pinuno sang Regional Headquarters Support Unit (RHSU), iya ginpahayag nga wala nakagwa sa kampo ang mga pulis humalin sang gin restrict sila sang Hunyo 28.
Suno kay Muarip, antes makagwa sa PRO 6 ang isa ka gin restrict nga pulis, kinahanglan anay nga aprubahan ang ila request santo sa PNP Memorandum Circular No. 023 series of 2017.
Nahibaluan nga sa subong, nagapabilin lang sa PRO 6 sanday Police Chief Master Sergeant Jose Dinggal, Police Senior Master Sergeant Fernil Mark Mallorca kag Police Staff Sergeant Ralph Mabuque matapos ang ginkaulamiran nga kontrobersiya.
