ILOILO CITY–Gindayaw ni Philippine National Police (PNP) Deputy Director General Ramon Apolinario si Police Regional Office (PRO) 6 Director C/Supt. John Bulalacao sa nangin performance sa kampanya batok sa iligal nga druga kag kriminalidad.
Sa interview sang Bombo Radyo kay Apolinario, ginpahayag sini nga iya ginadayaw ang nangin performance sang pamunuan ni Bulalacao sa kampanya sang kapulisan.
Isa sa nagabulig agud matapna ang krimen sa rehiyon amo ang aktibo nga paghulag sang mga pulis.
Sa 6,000 ka mga kapulisan suno kay Apolinario masobra 1,000 na ang nadismiss sa serbisyo bangud sa kaangatan sa mga iligal nga buluhaton.
Naglab-ot sa 20% naman suno kay Apolinario ang gin-nubo sang crime volume bangud sa hugot nga kampanya sang PNP batok sa mga iligal nga buluhaton.
Amat-amat man nga nagasaka ang numero sang mga police scalawags ukon mga pasaway apang suno diri ginahatagan man ang mga ini sang due process.
Indi man magpasugot si Apolinario nga ang mga kapulisan ang maghimo sang iligal nga buluhatin.
Ginpahanumdum man ni Apolinario sa nga ang administrasyon ni Presidente Rodrigo Duterte ng wala nagkulang bangud may yara man sang bastante nga sweldo kag equipment para sa mga pulis.
Wala na sang rason suno kay Apolinario ang mga pulis nga maghimo sang kalainan kundi ang magtrabaho nalang sang maayo.