Gin-utod na sang Philippine National Police (PNP) ang koneksyon sini sa fitness vlogger nga si Rendon Labador may kaangtanan sa kontrobersiya nga natuga sang weight loss program sang organisasyon.
Inisyal nga gin-tap sang Police Community Affairs and Development Group (PCADG) si Labador agud pangunahan ang 93-day weight loss program, apang sa June 21 PNP memorandum , gin-athag nga wala ginhatagan sang obligasyon ang vlogger nga pangunahan ang inisyatibo.
Suno kay Fajardo, may natabo lang nga indi pag-intindihanay.
“I understand na parang naputol na yung engagement ng PCADG sa kanya. That is what Director General Marvin Saro mentioned to me when I called him the other day. According to General Saro, there was a misunderstanding in terms of the engagement with the concerned individual. Probably, na-excite lang siguro si Rendon nung magkausap sila, and the topic was brought up.”
Sa isa naman ka interview antes ginlunsar ang programa, ginsiling ni Labador nga ginpangabay siya ni Saro nga pangunahan ang inisyatibo kag nagpasugot ini nga himuon kag wala sang bayad.
Ini nga fitness drive ang kasunod sang direktiba halin kay PNP Chief Gen. Nicolas Torre III nga ang mga pulis nga mapaslawan sang duha ka beses sa physical fitness ang magapaidalom sa retraining kag indi eligible para sa promosyon.
