ILOILO CITY – Nagpamalibad na nga maghatag sang impormasyon ang Police Regional Office 6 (PRO6) tuhoy sa no. 1 drug lord sang Western Visayas nga si Richard Prevendido.
Sa interview sang Bombo Radyo kay PRO6 director Police Chief Supt. Jose Gentiles, ginpahayag sini nga indi na nila mahimo ma-telegraph ang ginahimo ukon ginahamtangan ni Prevendido tungod ginakabig nila ini nga “tactical” ukon importante nga impormasyon sa ila operasyon.
Ginpasiguro naman ni Gentiles nga nagapadayon ang ila pag-ayam sa numero uno nga drug lord sang rehiyon.
Nahibaluan nga tatlo na ka bulan kag apat ka adlaw ang nakaligad matapos ginpaguwa ang warrant of arrest ni Prevendido.
Si Prevendido ang may patong sa ulo nga nagalab-ot sa P1 million.