ILOILO CITY–May yara na sang security plan ang Philippine National Police (PNP) kag Armed Forces of the Philippines (AFP) bilang pagpanghanda sa maabot nga election period.
Sa  interview sang Bombo Radyo kay  P/Supt. Joem Malong, taghambal sang Police Regional Office (PRO)-6 iya ginpahayag nga  may napirmahan na nga joint security plan ang PNP kag AFP.
Lakip man sa na-istoryahan sa ginpatigayun nga pagsinapol sa Commission on Elections (COMELEC) suno kay Malong amo ang mga comelec resolutions kag mga dapat nga  igapatuman sang PNP sa pagahiwatun nga piniliay.
May yara naman nga mga lugar nga natumod nga election hot spot kun sa diin may yara sang 23 ka na lakip sa yellow category ukon may yara sang political rivalry, apat sa red category ukon mga lugar nga may yara sang intense political rivalry, armed groups kag insurhensya, 97 sa green category  ukon areas with no concern kag siyam naman sa orange category nga may yara sang political rivalry kag presensya sang rebelde nga grupo.
Pahayag pa ni Malong nga pagatutukan nila ang deployment agud mapasiguro nga mangin matalunsay ang pagpatigayon sang 2019 midterm elections.