Ginklaro sang Department of Justice kag sang Philippine National Police nga wala pa sila sang nabatun nga impormasyon nahanungod sa nagalapta nga istorya nga natigayon na nga maaresto si Senator Bato Dela Rosa.
Kaangay man nga sabat ang ginhatag sang mga malapit senator kay Dela Rosa nga sanday Sen. Imee Marcos kag Sen. Robin Padilla nga kaupod man sini sa Minority bloc.
May kaangtanan ini sa gindagdag nga arrrest warrant batok sa senador sang International Criminal Court matapos ini nga ginakabig nga co-perpetrator sa crimes against humanity sa idalom sang administrasyon ni Former President Rodrigo Duterte nga nagapabilin sa gihapon subong sa ICC detention center.
Madumduman nga sang nagligad nga Mayo 11, nagpakita liwat si Dela Rosa matapos ang pila ka bulan sini nga absent sa senado.
Apang sang Mayo 14 sang kaagahon, liwat ini nga nagpalagyo kag nagpanago sa mga awtoridad kasunod man sang nangin dako nga komosyon tuga sang shooting incident sa Senate Building.
