ILOILO – Maburon sa gihapon ang imbestigasyon sang Philippine National Police tuhoy sa duha ka persona nga nasapwan patay sa sulod sang isa ka balay sa Barangay Botong, Oton, Iloilo.
Sa interview sang Bombo Radyo kay Police Lt. Col. Joem Malong, spokesperson sang Police Regional Office VI, iya ginpahayag nga wala sa gihapon sang may makatudlo sang matuod nga identity sang nasambit nga biktima.
Suno kay Malong, posible nga mga miyembro sang New People’s Army (NPA) ang duha ka persona base man sa nasapwan nga mga paraphernelias sa krimen kaangay sang .45 caliber pistol kag flag sang NPA.
Pahayag ni Malong, high ranking personality ang mga biktima kun makumpirmar nga lunsay myembro sang NPA.
Dugang pa sang natungdan, magluwas sa posibilidad nga mga miyembro sang rebelde ang duha ka persona, padayon man nga ginasundan sang kapulisan ang mga anggulo nga Robbery with Homicide kag Homicide ukon Murder.
Matandaan nga sang Sabado, Disyembre 26, sang nasapwan ang duha apang tubtob subong, nagapabilin sila nga unidentified.
Sa subong, nagapanawagan ang otoridad sa mga pamilya nga may nadula nga himata nga tsikyaron sa punerarya sa Oton, Iloilo ang duha ka biktima.
