Maga-deploy ang Philippine National Police (PNP) sang 37,000 ka mga police personnel sa bilog nga pungsod para sa pagbukas sang School Year 2025-2026 subong nga bulan.
Suno kay PNP spokesperson Police Brigadier General Jean Fajardo, nahanda na nila ini nga mga personnel para masigurado ang seguridad kag ang assistance sa mga kabataan.
5,000 diri ang ibutang sa mga police assistance desk sa mga eskwelahan. Magluwas diri, may yara man sang police mobile kag foot patrollers nga malapit man sa mga buluthuan.
Sandig sa Department of Education (DepEd), matabo ang pormal nga pagbukas sang panibag-o nga school year sa Hunyo 16, 2025
Ini ang pagbalik sa pre-pandemic school calendar nga sunod sa nakabutang sa DepEd Order No. 12, Series of 2025.
Ini nga school year ang magatakop sa Marso 31, 2006 nga buot silingon naga-cover sang 197 class days lakip na ang End-of-School-Year (EOSY) rites.
