ILOILO – Magatuman lang ang Philippine National Police sa mandu ni Presidente Rodrigo Duterte tuhoy sa pagpangdakop sa mga vape user sa pungsod.
Sa interview sang Bombo Radyo kay Police Lt. General Camilo Cascolan, Deputy Chief for Operations sang Philippine National Police, iya ginpahayag nga nagakadapat nga tun-an sang maayo ang Executive Order nga ginpirmahan ni Presidente Duterte tuhoy sa nationwide smoking-ban sa pampubliko nga lugar.
Suno kay Cascolan, kinahanglan man nga isa-isahon ang mga existing ordinance tuhoy sa smoke-free environment agud nga mapatuman ini sang maayo.
Ginpahayag ni Cascolan nga sa ila bahin bilang law enforcment agency, ila sundon ang mandu sang presidente ilabi pa nga may isa ka kumpirmado nga kaso sang balati-an tuga sang paggamit sang vape sa Central Visayas.
Samtang, suno naman kay Police Regional Office 6 Spokesperson Police Lt. Col. Joem Malong, madamu pa sang makabig nga “gray areas” sa Executive Order 26.
Sa pihak sini, ginpahayag ni Malong nga ang maathag lang sa ila amo nga dakpon ang mga vape user.
Ang pagpasaka sang kaso ang malakip man sa regular booking apang ang paghatag sang silot ang nasanto sa nakasaad sa Executive Order 26 nga ginpirmahan sang presidente.
