𝗜𝗟𝗢𝗜𝗟𝗢 𝗖𝗜𝗧𝗬 – Mas ginhugtan sang Philippine National Police ang seguridad subong nga Disyembre kag para sa nagahilapit nga Paskwa sa Iloilo City.
Sa interview sang Bombo Radyo kay Police Colonel Kim Legada, director sang Iloilo City Police Office, iya ginpahayag nga magadugang sila sang numero sang mga pulis nga iga-deploy sa nagakalain-lain nga bahin sang syudad.
Paglab-ot naman sa Disyembre 15, naka full alert na sila antes mag-umpisa ang Simbang Gabi.
Importante suno sa natungdan nga mausisa sang mayo ang security situation sa nagkalain-lain nga lugar.
Ini ang makabulig man sa pagplastar sang security plan, kaangay na lang sa mga major event.
Dugang pa sang opisyal, indi lang ini terrorism-related information.
Sa subong, wala pa sila sang nabaton nga seryoso nga pamahog sa seguridad sa syudad.
