JARO ILOILO CITY– Duha ka persons of interest ang ginatutukan sang Jaro Police Station sa nagluntad nga pagpatay sa engineering aid/driver sang Department of Agrarian Reform (DAR) nga si Allan Salario sa diin nasapwan ang bangkay sini sa Tagbak Jaro Iloilo City.
Sa interview sang Bombo Radyo kay Police Captian Eduardo Siacon, hepe sang Jaro Police Station, iya ginpahayag nga sa apat na persons of interest duha nalang ang nabilin kag natigayun na niya ini nga maistorya apang ginpanginwala nila ang kahilabtanan sa kamatayon ni Salario.
Pahayag pa ni Siacon love triangle ang ila napanguna nga anggulo sa diin may yara sang bana ang nakarelasyon nga babayi sang biktima.
Ginalauman naman ni Siacon nga maresolba nila ang kaso bangud may standing order man sila nagikan kay Iloilo City Police Office (ICPO) Director Police Colonel Martin Defensor.
Wala man nalagyo suno kay Siacon ang persons of interest kag mahimo nga sini nga semana may dugang nga mga developments kag matigayun nila ang pagpasaka sang kaso.
