ILOILO CITY – Nakilala na sang Iloilo City Police Office (ICPO) ang mga suspek sa pagpangawat sa Aljun Jewelry Store sa isa ka mall sa Guanco Street, Iloilo City.
Sa interview sang Bombo Radyo kay ICPO Director Police Col. Martin Defensor Jr., iya ginpahayag nga ang mga suspek ang lunsay mga pangayaw.
Suno kay Defensor, may yara na sila sang ginakaptan nga mga pictures kag pangalan sang mga suspek nga tumandok sang Luzon sa diin lunsay sila mga nagahambal sang lengwahe nga tagalog.
Ginkumpirma man ni Defensor nga may nabaton sila nga impormasyon nga ang nasambit nga mga suspek ang grupo kag plano nga mag-atake sa Iloilo City kag Bacolod City.
Naghatag naman sang paandam ang mga otoridad sa mga establisyemento antes ang insidente apang posible wala makapreparar ang nasambit nga jewelry Store, rason nga ginkawatan sila sang mga alahas nga nagabalor sang masobra tunga sa milyon ka pesos.
May posibilidad man suno kay Defensor nga magpangawat sa mga bangko ang nasambit nga mga suspek.
