Nagpanawagan ang Philippine National Police (PNP) sa mga turista nga likawan anay ang pagtaklad ukon pag-hiking sa mga kabukiran sa palibot sang probinsya sang Iloilo.
Sa interview sang Bombo Radyo kay Iloilo Provincial Police Office (IPPO) Director Police Col. Marlon Tayaba, iya ginpahayag nga katuyuan sini nga malikawan nga may madalahig nga sibilyan sa padayon nga operasyon sang Armed Forces of the Philippines (AFP) kag PNP batok sa rebelde nga New People’s Army (NPA).
Suno kay Tayaba, pananglitan may magpatigayon gid man sang hiking, nagadakapat nga makig-angot gid sa Municipal Police Station ukon sa local tourism office sang banwa nga kadtuan.
Nagpasalig naman si Tayaba nga bug-os ang pwersa sang kapulisan sa probinsiya agud maghatag sang seguridad kag mapabilin ang kalinong ilabi na subong nga kwaresma kag panahon sang kampanya para sa May 13 midterm elections.
