Nagpanawagan ang Philippine National Police sa mga myembro sang Communist Party of the Philippines nga subong ang “best time” nga magbalik sa sabak sang gobyerno.
Subong ang ika-56 nga founding anniversary sang Communist Party of the Philippines.
Sa interview sang Bombo Radyo kay PLt. Col. Arnel Solis, Spokesperson sang Police Regional Office 6, iya ginpahayag nga mas mayo gid nga magpanaog na ang mga myembro sang rebelde nga grupo agud makaupod ang ila pamilya subong nga tion sang paskwa kag pagsug-alaw sang bag-ong tuig.
Suno kay Solis, mahina na ang Communist Party of the Philippines bangud dako na ang nabuhin sa ila nga kusog ilabi na nga madamo sang mga anay myembro nga mas ginpili nga magpakalinong kag maghugpong sa tinutuyo ang gobyerno.
Apang apisar nga wala na sang kapasidad ang rebelde nga grupo pahayag sang natungdan nga maglunsyar sang opensiba, padayon nga nagabantay ang kapulisan agud mapabilin ang kalinong kag katawhay sa rehiyon 6.
Una na nga ginpahayag ni PNP Public Information Officer Brig. Gen. Jean Fajardo nga ang mga hepe nga assigned sa mga malayo ukon isolated nga police stations amo ang vulnerable sa pagpang-atake.
Wala man ginadula sang kapulisan ang posibilidad nga magbalos ang New Peoples Army kasunod sang pagkadakop sang pipila sa mga lider sang communist rebels.
