𝗜𝗟𝗢𝗜𝗟𝗢 𝗖𝗜𝗧𝗬 – Ginpangabay sa publiko sa mga pulis sa Iloilo nga makigbahin sa tuigan nga Dugong Bombo 2024, A Little Pain, A Life to Gain.
Sa interview sang Bombo Radyo kay Police Colonel Bayani Razalan, director sang Iloilo Police Provincial Office, iya ginpahayag nga pinaagi sa pagdonar sang dugo, madamo sang mga kabuhi nga masalbar.
Suno kay Razalan, bisan sin-o nga kwalipikado nga indibidwal ang mahimo magdonar sang dugo.
Nagpanawagan man ini sa mga organisasyon ukon sin-o man nga potential donors nga magpadulong sa Iloilo Science and Technology University sa La Paz, Iloilo City sa Sabado, Nobyembre 16.
