ILOILO CITY– Nakafull alert status ang Philippine National Police kadungan sang selebrasyon sang tigkalalag 2019 sini nga adlaw.
Sa interview sang Bombo Radyo kay Police Regional Office Director Police Brig. Gern. Rene Pamuspusan, iya ginpahayag nga nagpatigayun na siya sang inspeksyon tuhoy sa deployment sang mga pulis sa mga terminals kag patyo.
Suno kay Pamuspusan, magluwas sa mga pulis, may yara mam sang mga force multipliers nga nakaduty agud magbulig sa pagpasigurado sang malinong kag matawhay mga tigkalalag 2019.
Nagahinyo man siya sa mga kapulisan nga mentinahun ang kalinong kag katawhay subong nga adlaw.
Indi man dapat malimtan suno sa iya ang mga beat patrols nga dapat maglibot sa mga kabalayan kag mga establisimento komersyal.
