Nakahanda na ang Philippine National Police (PNP) para sa paghiwat sang ika-apat nga State of the Nation Address (SONA) ni President Ferdinand Marcos Jr. subong nga adlaw, Hulyo 28.
Suno kay PNP Chief General Nicolas Torre III, nagalaum sila sang malinong kag hapsay nga SONA apisar pa may posibilidad sang mga pagpanghangkat ukon protesta.
Ginpahibalo sang National Capital Region Police Office (NCRPO) nga masobra 23,000 ka mga pulis ang gin-deploy bilang kabahin sang kabug-osan nga security plan para sa SONA.
Sang ginpamangkot kun sobra bala ang kadamuon sang mga pulis nga ginpahamtang, sabat ni General Torre nga kabahin lang ini sang ila pagpanghanda kag contingency measures.
Ginalauman nga magadamo ang tawo sa Quezon City subong nga adlaw kun sa diin pagahiwaton ang SONA, gani padayon ang pagpahanumdom sang PNP sa publiko nga magkooperar kag magpabilin nga disiplinado sa tunga sang heightened security.
