Bilang paagi sa pagkilala sa dedikasyon sang pulis sa trabaho, gin-release sang Department of Budget and Management (DBM) ang masobra P7.3 billion nga pondo para sa mid-year bonus sang 222,787 ka uniformed personnel kag civilian employees sang Philippine National Police (PNP).
Tuigan nga ginahatag ang mid-year bonus kag nalakip sa budget sang PNP kada tuig.
Suno kay PNP Finance Service Director BGen. Jose Melencio Nartatez Jr., mabaton sang PNP personnel ang bonus sa Mayo 17 paagi sa ila ATM Payroll Accounts.
Ang amount nga ihatag sa tagsa ka personnel ang equivalent sa ila bulanan nga sweldo.
Gin-athag naman ang PNP nga indi mahatagan sang mid-year bonus ang mga police personnel nga guilty sa administrative ukon criminal cases by final and executory judgment subong nga tuig.
