ILOILO CITY – Pigado ang performance sang Police Regional Office 6 (PRO-6) sa Oplan Double Barrel Reloaded.
Sa interview sang Bombo Radyo Iloilo, ginpahayag ni PRO-6 Deputy Director for Operations S/Supt. Christopher Tambungan, ila nga ginakasubo ang manubo nga ratings sang PRO-6 apang ginatinguhaan man nga mapasanyog ini, sa diin madamo naman nga high value target ang nadakpan.
Suno pa kay Tambungan, ginhatagan naman sang ligwa ang mga hepe sang kada police station ilabi na sa 56 ka kabanwahanan nga wala sang accomplishment sa iligal nga droga, apang daw kaangay nga ginapabuyan-buyanan lang.
Tungod sini, magapatuman sang drastic action ang PRO-6 paagi sa pagpasaka sang administrative charges batok sa mga chief of police nga wala naga-perform.
Sa karon suno kay Tambungan, gina-review pa ang paathag sang mga chief of police nga wala sang accomplishment sa kampanya batok sa iligal nga droga.