ILOILO CITY – Bangud sa nagahilapit nga anibersaryo sang New People’s Army, todo ang pagbantay sang katapo sang kapulisan sa Western Visayas.
Ang ika-52 nga anibersaryo sang NPA ang natalana bwas nga adlaw, Marso 29.
Sa interview sang Bombo Radyo kay Pol. Lt. Col. Arnel Solis, spokesperson sang Police Regional Office (PRO)- VI, iya ginpahayag nga ginmanduan na ang tagsa ka commanders nga mas pataason pagid ang pagpanghanda sa seguridad sang personnel kag sang unit.
Suno kay Solis, nagapadayon man ang pagpakig-angot sang kapulisan sa katapo sang Philippine Army.
Indi man magpangduha-duha ang kapulisan nga magpatigayon sang combat operation sa tion nga may ma-monitor nga hulag sang mga rebelde.
