ILOILO CITY- Napaslawan ang mga otoridad nga ipatuman ang husto nga proseso sang pagpatigayon sang inventory sang mga recoveries sa natabo nga raid sa Stephanie Coliseum sa Balabag, Dumangas, Iloilo.
Ini kasunod sang alegasyon sang 154 ka mga arestado nga ginpahaboy lang sang mga otoridad sa ring sang bulangan ang tanan nga mga kagamitan sang mga arestado.
Sa interview sang Bombo Radyo kay Atty. Marbhen Lumbo, legal expert, iya ginpahayag nga kun proper procedure of inventories ang istoryahan, dapat nga gin-isa-isa kag ginmarkahan sang Iloilo Provincial Special Operations Group ang mga recoveries.
Suno kay Atty. Lumbo, bangud sini, mahimo nga magamit sang mga arestado ini nga teknikalidad batok sa mga kapulisan.
Paathag dugang ni Lumbo,sa natabo nga raid, wala kuntani dapat gin-aresto ang mga bettors ukon nagataya.
Suno kay Lumbo, santo sa “COCKFIGHTING LAW OF 1974”, ang mga managers ukon operators lang ang mahimo nga dakpon samtang multa naman ang dapat nga idagdag sa mga bettors.
