ILOILO – Mahimo nga magpangatubang sang insubordination kag neglect of duty ang kontrobersyal nga si Police Lt. Col. Jovie Espenido.
Ini ang may kaangtanan sa pagpatigayon sang press conference ni Espenido apisar nga may yara sang gag order gikan kay Philippine National Police Chief Police General Archie Gamboa.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga dapat nga sundon ni Espenido ang mandu sang PNP Chief bangud nga nagapadayon ang imbestigasyon.
Suno kay Malong, ginahatagan sa subong sang ligwa ang adjudication process matapos naulamid sa narcolist si Espenido nga na-assign sa subong sa Regional Personnel Holding and Accounting Unit sang Police Regional Office 6.
Ginpahayag ni Malong nga kun tani, wala na naghatag sang press conference si Espenido bilang pagsunod sa gag order.
