ILOILO CITY- Ginpirmahan na sang gobyerno sang Poland ang defense contract nga nagabalor sang $650 million ukon 34 billion pesos para ibaligya ang ila nga mga armas sa Ukraine.
Suno kay Bombo International Correspondent Neva Intrepedo direkta sa Poland, ini ang pinakadako nga export defense contract nga ginhimo sang Poland sa nakaligad nga 30 ka tuig.
Ginpahayag ni Intrepedo nga ang Krab self-propelled howitzers nga ibaligya sang Poland ang mangin pinakaimportante nga armas sa padayon nga pagdepensa sang Ukraine batok sa pag-atake sang Russia.
Ang pondo naman nga gin-gamit sang Ukraine sa pagbakal sang nasambit nga mga armas ang halin sa European Union kag sa kaugalingon sini nga budget.
