ILOILO CITY – Gina-imbestigaran sang Energy Regulatory Commission ang nagakatabo nga pole fire sa syudad sang Iloilo.
Sa interview sang Bombo Radyo kay Fire Chief Inspector Christopher Regencia, City Fire Marshall, iya ginkumpirma nga gina-imbestigaran sang nasambit nga ahensya ang madata nga pole fire.
Suno kay Regencia, nagpangayo sang dokumento ang team sang Energy Regulatory Commission tuhoy sa nagkalatabo nga pole fire huamlin sang 2014 tubtub 2019.
Ginpahayag ni Regencia nga nagtinir sa syudad sang Iloilo ang team agud nga magpatigayon sang kaugalingon nga imbestigasyon.
Para naman sa natungdan, malayo nga ang telecommunications company ang rason sang pole fire bangud nga tuman ka gamay sang boltahe sang kuryente sa linya ipaanggid sa linya sang electric company.
Mahimo lang nga magtuga sang pole fire ang linya sang telecommunications company kun may yara sang external factors.
