ILOILO CITY – Aktibo ang police beat patrol sang Mandurriao Police Station sa syudad sang Iloilo.
Sa interview sang Bombo Radyo kay Police Major Marlon Valencia, hepe sang Mandurriao Police Station, iya ginpahayag nga naga-duty sa ila tagsa ka designated post ang police beat patrol apang indi lang siya makahatag sang specific location bangud sa confidentiality.
Suno kay Valencia, indi man niya mapahibalo kun pila ka bilog ang police beat patrol sang Mandurriao Police Station bangud sa security purposes.
Ginpahayag ni Valencia nga indi man mahinago nga tuman kalapad ang Mandurriao apang iya ginpasigurado nga masarangan sang mga pulis ang pagbantay sa bug-os nga distrito.
