ILOILO CITY – Aktibo ang police beat patrol sang Police Station 1 sa syudad sang Iloilo.
Sa interview sang Bombo Radyo kay Police Lt. Col. Jonathan Pablito, hepe sang Police Station 1, iya ginpahyag nga may yara sang fixed point sa diin naga-duty ang 93 ka mga police beat patrol.
Suno kay Pablito, ini ang ginalakipan sang UP flyover, Plazoleta Gay kag sa Plaza Libertad ukon ang East City Proper Detachment.
Ginpahayag ni Pablito nga kun adlaw, may team sang beat patrol nga naga-focus sa dalan Delgado kag Ledesma sa diin masami nagaluntad ang madamo nga kaso sang snatching.
Nagasentro naman sa palibot sang Iloilo Terminal Market ang isa pa gid ka team sa tion sang kagab-ihon sa diin madamo sang mga nagalagaw nga mga menor de edad kag mga hubog.
