ILOILO – Gina abi-abi gid ni Iloilo Gov. Arthur Defensor Jr. si Police Col. Gilbert Gorero bilng Officer-in-Charge sang Iloilo Police Provincial Office.
Ini ang kasunod sang pag-courtesy call ni Gorero kaupod si anay Iloilo Police Provincial Office Director Police Col. Paul Kenneth Lucas nga sa subong, na-assign na bilang Chief Directorial Staff sang PNP-Finance Service sa Camp Crame.
Sa interview sang Bombo Radyo kay Defensor, iya ginpahayag wala pa siya sang may ginhatag nga marching order kadungan sang pag-courtesy call sang bag-o nga pinuno sang Iloilo Police Provincil Office.
Suno kay Defensor, lakip lang sa gin-istoryahan amo ang mga ongoing programs may kaangtanan sa COVID-19 response.
Ginpahayag ni Defensor nga kun makaplastar na si Gorero, amo na ugaling kag ila nga istoryahan kun ano ang dapat nga tutukan sa probinsya sang Iloilo.
Kuntento kag nagapasalamat naman ni Defensor kay Police Col. Lucas nga nagserbe nga IPPO Director sa malip-ot nga tion.
