Iloilo City – Ginkalipay sang Iloilo City Police Office ang nangin pahayag ni Iloilo City Mayor Jerry Treñas tuhoy sa nangin performance sang mga ini batok sa iligal nga droga.
Sa interview sang Bombo Radyo kay Police Colonel Joeresty Coronica, Acting Director sang Iloilo City Police Office, iya ginpahayag nga mas na-engganyo ang mga ini nga serbisyuhan ang mga pumuluyo sang syudad.
Suno kay Coronica, magluwas sa pagtutok sa kampanya batok sa iligal nga droga, nakatutok man ang kapulisan sa pagpapas sang mga krimen kaangay sang kinawatay ukon pickpocketing, kag pag-vandalize sang mga pader.
Ginpahayag sang natungdan nga agud mapasanyog ang police visibility, naghingyo ini sa alkalde sang dugang nga pondo sang petrolyo para sa mga patrol cars.
Samtang, natalana naman nga makigsapol si Coronica kag ang alkalde sini nga semana.
