ILOILO – Padayon ang deployment sang mga pulis sa bug-os nga Western Visayas apisar nga ginpatuman na ang Modified General Community Quarantine.
Sa interview sang Bombo Radyo kay Police Lt. Col. Gilbert Gorero, acting Public Information Officer sang Police Regional Office 6, iya ginpahayag nga padayun ang istrikto nga pagpatuman sang minimum health protocol sa bug-os nga rehiyon.
Suno kay Gorero, magluwas sa peace and order, padayon nga magabulig ang Police Regional Office 6 sa compliance team sang tagsa ka Local Government Unit sa pagpatuman sang protocol sa new normal.
Kun tani suno sa natungdan, mangin gawi na sang tanan ang pagsuksok sang face mask kag ang pagsunod sa physical distancing apisar nga wala sang compliance team nga nagabantay.
May kaangtanan naman sa aktibidad sang Police Regional Office 6, ang virtual flag raising ceremony sa Camp Crame ang pagasundon samtang padayon naman ang releasing sang permit nga ginagawad sa Philippine National Police.
Ang ginpauntat lamang suno kay Gorero amo ang pagpatigayon sang neuro, drug kag urine test bangud nga indi malikawan ang physical contact.
Limitado naman ang mahimo nga magtambong sa tion sang inagurasyon ukon ano man nga programa.
