Pormal na nga napasaka sang National Police Commission (NAPOLCOM) ang kaso-administratibo batok sa isa ka tactical officer sang Philippine National Police Academy (PNPA) sa Cavite bangud sa grave misconduct kag conduct unbecoming of a police officer.
Ini kaangot sa ginaalegar nga sexual assault nga ginhimo sang personnel batok sa isa ka cadet.
Sa formal charge nga gin-isyu sang NAPOLCOM Investigation, Monitoring and Inspection Service, gin-akusaran ang officer sang sexual nga pag-assault sa isa ka PNPA cadet sang Hulyo 31, 2025 sa sulod sang premises sang akademya.
Base sa reklamo, gin-alegar nga gingamit sang opisyal ang iya nga posisyon agud nga i-oral sex ang cadet apisar pa nga indi niya ini gusto.
Base sa kaso, nag-akto ang officer “with lewd design, and with intent to abuse and to gratify his sexual desire.” Ginpahayag man nga ginhimo ang akto “willfully, unlawfully, and feloniously, with grave abuse of authority.”
Ini nga insidente nagtupa suno sa NAPOLCOM sa idalom sang Article 266-A sang Revised Penal Code. Sa idalom sini, ginasilutan ang mga akto sang sexual assault kag naga-constitute sang grave misconduct sa idalom sang NAPOLCOM Memorandum Circular No. 2016-002.
Pahayag sang komisyon, ang akto sang officer ang naga-“dishonor” kag naga-“disgrace” sa iya trabaho bilang police officer kag naga-indicate sang “vitiated or corrupt state of moral character.”
Kun mapamatud-an nga guilty, mahimo masipa ang pulis sa serbisyo kag mahimo mangatubang sang kaso criminal sa idalom sang Penal Code.#
