Police Major Jovie Espenido, na istoryahan ang tuhoy sa iligal nga droga sa iya pagpadulong sa syudad sang Iloilo agud makigkita kay dismissed multi-awarded Chief of Police Charlie Susteno

ILOILO CITY – Ginkumpirma ni dismissed multi-awarded Chief of Police Charlie Sustento nga nagkit-anay sila ni Police Major Jovie Espenido sa syudad sang Iloilo.

Sa interview sang Bombo Radyo kay Sustento, iya ginpahayag nga apat ka adlaw nga nagbisita si Espenido sa syudad.

Suno kay Sustento, na istoryahan nila ni Espenido ang tuhoy sa status sang iya nga kaso.

Nagpasalig naman si Espenido nga buligan niya si Sustento sa kaso nga ginapangatubang sini.

Magluwas sa kaso ni Sustento, na istoryahan man sang duha ang nahanungod sa police work, anti-criminality kag iligal nga droga sa probinsya kag syudad sang Iloilo apang wala na ini gindetalye pa ni Sustento.

Handa man si Espenido dugang pa ni Sustento nga ma-assign sa probinsya ukon syudad sang Iloilo sa insakto nga tion.