ILOILO CITY – May mga suspek na ang Jaro Police sa nagluthang patay sa 34 anyos nga Indian national nga si Rupinder Kaul Chalal, sang Brgy. Buhang Jaro Iloilo City.
Suno kay Police Chief Inspector Herbert Ballego natumod ang duha ka mga suspek tungod man sa kuha sang CCTV camera malapit sa ginluntaran sang insidente.
Ang gunman ang makit-an sa kuha nga nakasuksok sang jersey nga blue nga may numero 1 sa likod angkas sa motor samtang ang driver naman ang naka-half-faced helmet.
Ginapahayag nga isa ka modified Suzuki Raider nga du-ag blue ang service motorcycle sang duha.
Nagapadayon pa ang back-tracking sang pulis sa mga lugar nga mahimo nakit-an ang mga ini ukon may kuha sang CCTV camera agud mas mangin maathag pa gid ang laragway sang duha.
