ILOILO CITY – Gin-relieve na sa puwesto bilang pinuno sang Regional Headquarters Support Group (RHSG) sang Police Regional Office 6 (PRO-6) si Police Supt. Orly Gabinete, matapos ini akusaran nga nagabaton sang drug payola.
Ginpahayag sa Bombo Radyo ni PRO-6 spokesman Supt. Gilbert Gorero nga temporaryo gin-assign si Gabinete sa Regional Personnel Holding and Accounting Unit (RPHAU) bilang kabahin sang proseso sa imbestigasyon.
Si Supt. Gabinete ang ginhingadlan sang self-proclaimed bagman sang Beria Drug Syndicate Group nga si Ricky Serenio, nga isa sa mga ginaalegar nagabaton sang drug payola.
Si Gabinete ang anay assigned sa La Carlota PNP sa Negros Occidental antes nakabalik sa Police Regional Office 6.