ILOILO CITY – Gin-athag sang National Police Commission (Napolcom) nga si Presidente Duterte lang ang makapabalik sang police power sang mga alkalde sa probinsya sang Iloilo nga una na gintumod nga narco-politicians.
Sa interview sang Bombo Radyo kay Napolcom 6 director Atty. Joseph Celis, iya ginpahayag nga tubtob karon nagapadayon pa ang validation sang mga nagkalain-lain nga law enforcement agencies sa natumod nga mga alkalde.
Pananglitan maklaro, igarekomendar sang mga ini sa presidente ang pagbalik sang police power sa nasambit nga mga mayors.
Nahibaluan nga tubtob karon, nagapabilin nga wala sang kontrol sa ila local police sanday Calinog Mayor Alex Centena, Maasin Mayor Mariano Malones, kag Carles Mayor Siegfredo Betita.