ILOILO– Gindayaw sang Police Regional Office 6 ang 24 hour challenge nga ginpatigayon ni Iloilo Provincial Police Office Director Police Colonel Roland Vilela.
Sa interview sang Bombo Radyo kay Pol. Lt. Col Joem Malong tagapamaba sang PRO 6, iya ginpahayag nga ang 24 hour challenge ang isa ka paagi sang IPPO agud mas mapadasig nga makontrol ang naga data nga numero sang mga wanted person sa probinsya nga wala sa gihapon nag madakpan.
Suno kay Malong, madamo man sa gihapon ang mga wanted person nga wala pa nadakpan sang kapulisan gani dako gid nga bulig ang ginapatigayon nga challenge sang bag o nga Director.
Dugang ni Malong ginapatigayon man subong ang nasambit nga challenge sa mga kapulisan sa bilog nga probinsya sang Iloilo kun sa diin 80 ka mga wanted person kada municipal police stations ang qouta nga ginhatag ni Vilela.
Ini man ang isa ka inisyatibo sang Police Regional Office 6 agud makabulig nga mabuhinan kag madakpan na ang tanan nga mga wanted person.
Samtang gindayaw naman ni Malong ang mga kapulisan sa mga kabanwahanan sa probinsya sang Iloilo nga nagkig bahin kag nagbaton sa nasambit nga challenge.
