ILOILO CITY – Nagdepensa ang pamunuan sang Police Regional Office (PRO-6) sa madugay nga pagdakop sa number 1 drug lord sa Western Visayas nga si Ernesto “Erning” Bolivar.
Sa interview sang Bombo Radyo kay PRO-6 director Chief Supt. Cesar Hawthorne Binag, ginpahayag sini nga padayon ang ila pagpangita kay Bolivar.
Suno kay Binag, indi sini mahimo nga mabuyagyag ang mga lugar nga ginapanaguan ni Bolivar agud indi maapektuhan ang ila operasyon.
Nahibaluan nga ginkilala nga number 1 drug lord si Bolivar matapos mapatay sa operasyon sang kapulisan ang mga nagapanguna nga durugista sa Western Visayas nga sanday Melvin “Boyet” Odicta Sr. kag Richard Prevendido.