ILOILO CITY– Nagapangabay ang Police Regional Office 6 sa mga preso nga nakagwa pinaagi sa good conduct time allowance nga pagpadulong na sa mga malapit nga police stations agud makapa-account.
Sa interview sang Bombo Radyo kay PRO 6 Spokesperson Police Lt. Col. Joem Malong, iya ginpahayag nga ginamonitor nila ang background sang mga naka-avail sang GCTA.
Suno kay Malong may yara na sila sang mga pangalan kag lokasyon sang nasambit nga mga preso.
Ginklaro man niya nga ang pagpatawag sa nasambit nga mga preso ang indi porma sang pag-aresto sa ila, kundi kabahin sang ginatawag nga accounting.
Napahibalo naman suno kay Malong ang tagsa ka mga police stations sa mga kabanwahanan nga magpatigayun sila sang pagpanuktok kag paghingyo sa mga convicts.
Dugang pa sang natungdan sa bug-os nga rehiyon 6, may yara sang 149 ka mga grantees sang GCTA sa diin 17 ang nagikan sa Aklan, pito sa Antique,13 sa Capiz, 29 sa Iloilo Province, pito sa Iloilo City, 57 sa Negros Occidental kag 21 sa Bacolod City.
Pagkatapos sang 15 ka adlaw suno sa natungdan igahatag na nila sa trackers ang mga convicts nga wala nagboluntaryo padulong sa tagsa ka Police Stations.
Sa subong 13 balang ang boluntrayo nga nagpa-account sa mga kapulisan.
