ILOILO — Preparado ang pwersa sang Police Regional Office 6 (PRO6) sa selebrasyon sang adlaw sang mga mamumugon ukon Labor Day buwas nga adlaw.
Sa interview sang Bombo Radyo kay Police Lieutenant Colonel Arnel Solis, spokesperson sang PRO6, iya ginpahayag nga ginmanduan na sang ahensya ang mga chief, director, kag station commanders nga i-intensify ang pagbantay sa seguridad sa ila tagsa ka area of responsibility.
Suno kay Solis, tuyo sang tikang nga mapabilin ang kalinong kag katawhay sang selebrasyon sang tuigan nga Labor Day sa bug-os nga region 6.
Ginpahayag man sini nga doble ang pagsekyar sang otoridad sa mga dalan sang syudad ilabi na sa pagahiwatan sang rally sang mga progresibo nga grupo.
Sa idalum sang amo nga tikang, kinahanglan nga i-check ang mga progresibo nga grupo kun may permit kag kun sila ang yara sa nakatalana nga area para sa ila.
