May bag-o na nga Public Information Officer (PIO) ang Police Regional Office (PRO) VI.
Ginbuslan sang tumandok sang Sibunag, Guimaras nga si Police Lt. Col. Arnel Solis si Police Lt. Col. Joem Malong bilang spokesperson.
Sa exclusive interview sang Bombo Radyo kay Solis, iya ginpahayag nga dako nga pagpanghangkat para sa iya ang bag-o nga posisyon.
Nagpasalig man siya nga padayunon ang mga programa nga ginpatuman sang anay spokesperson kag suod man niya nga abyan nga si Police Lt. Col. Malong.
Nahibaluan nga graduate si Solis sang Philippine National Police Academy (PNPA) Bagsay-Lahi Class of 2006.
Sang nangin kadete, nakaupod man niya si Malong sa sulod sang kapin apat ka-tuig.
Nagtabaho man siya bilang assistant chief sa Regional Community Affairs and Development Division humalin sang Hunyo 2020.
