Police sa Estados Unidos, nagsugod na sang imbestigasyon batuk sa rapper nga si Cardi B bangud sa paghaboy sang microphone sa audience kadungan sang iya show sa Las Vegas

ILOILO CITY – Pila ka adlaw matapos naglapta ang video sang rapper nga si Cardi B nga naghaboy sang microphone sa isa ka myembro sang audience, ginpahayag sang United States police nga nagsugod na ang ila nga battery investigation

Sa nasambit nga video, makita ang “WAP” star nga nagbalos matapos nga gibasyahan sang tubig sang isa ka concertgoer sa iya Las Vegas show.

May nagagwa nga impormasyon nga ang microphone nga ginhaboy ni Cardi B ang nagtupa sa lain nga concertgoer.

Suno sa Las Vegas Metropolitan Police Department, isa ka babayi ang nag-contact sa ila agud nga mag-report may kaangtanan sa physical contact.

Wala nakabutang sa statement sang kapulisan nga si Cardi B ang ginatumod sang complainant apang ang date kag location sang show ang nagasanto.